III Maratón de astropartículas en Cerceda

En setembro comezamos un curso diferente, marcado polas medidas de hixiene e seguridade tan necesarias pola situación sanitaria na que nos atopamos no contexto da pandemia da COVID-19. Respectando sempre esas medidas, trataremos de levar a cabo ao longo do curso as actividades extraescolares asociadas ao Club de Ciencia como viñamos facendo en anos académicos anteriores.

Comezamos participando na III Maratón de Astropartículas, organizada pola profesora M. Dolores R. Frías da Universidade de Alcalá de Henares e cofinancidada pola Fundación Española para a Ciencia e a Tecnoloxía (FECyT). A maratón celebrouse en Cerceda o xoves 15 de outubro con ponencias de Ramón Iglesias Marzoa, do observatorio astronómico de Javalambre en Teruel; Mario Gómez profesor na Universidade de Huelva e Luis del Peral profesor na Universidade de Alcalá de Henares.

• 

• 

• 

• 

• 

• 

• 

• 

• 

• 

• 

• 

Alumnado do CPI O Cruce participando na III Maratón de astropartículas

Con Ramón Iglesias o alumnado falou sobre a obtención de imaxes astronómicas e a medición da luz das estrelas con conexión en directo co observatorio astronómico de Javalambre, con Mario Gómez percorreron o Universo desde distancias de segundos-luz ata millóns de anos-luz a través dunha exposición fotográfica móbil e con Luis del Peral aprenderon a observar a radiación cósmica e coñeceron de primeira man o funcionamento dun medidor de muóns.

Os días 14 e 16 de outubro a maratón celebrouse tamén en Santiago de Compostela, no IES Arcebispo Xelmírez II e no IES Rosalía de Castro.

Máis información | La Voz de Galicia, La Voz de Galicia, FECyT e USC

Advertisement

Listos para descarga os 70 experimentos de #ciencianacasa, bo verán!

A mediados do mes de marzo, despois do cese da actividade lectiva presencial, comezamos coa iniciativa “Ciencia na Casa” e chegamos aos 70 experimentos científicos caseiros durante o confinamento. Agora pechamos este peculiar ano académico recopilándoos neste libro que tedes á vosa disposición para descarga premendo na imaxe da portada do mesmo ou nesta ligazón:

70 experimentos científicos para facer na casa

Oxalá no vindeiro curso podamos repetilos todos, e moitos máis pero xuntos e na escola… Sorte, saúde, sentidiño e bo verán!

De volta na web grazas ao coronavirus

Neste ano académico, tiñamos a web e o blog bastante abandonados… A actividade presencial absórbenos moito tempo, porque temos o Club de ciencia dividido en dous: para primaria nos tempos de lecer do comedor e para secundaria pola tarde despois do horario lectivo.

Así o único que fomos actualizando foron os nosos perfís en redes sociais, nos que podedes ver boa parte das actividades que fixemos ao longo do ano. Pero entón chegou a crise sanitaria do Covid-19 e dun día para outro quedamos confinados nas nosas casas, sen poder desenvolver actividades presenciais, nin lectivas nin extraescolares, e como non hai mal que por ben non veña, de aí xorde a iniciativa #CienciaNaCasa coa que cada día de illamento propoñemos un experimento científico para facer, mediante un guión cunha breve explicación de como facelo e algo de teoría e un vídeo e/ou imaxes do desenvolvemento e os resultados.

Trataremos de aproveitar tamén para completar a web cos materiais dos proxectos que non subiramos, agora que imos ter que pasar máis tempo diante do ordenador…

Moito ánimo a todos, lembrade que nunca choveu que non escampara e quedade na casa!

Máis info | Ciencia na casa

Taller de frío na UDC

O venres 24 de maio visitamos a facultade de ciencias onde a profesora María Teresa Rodríguez ensinounos un pouco as aulas e a distribución dos laboratorios.

Despois fomos a facer algunhas prácticas con nitróxeno líquido, xeo seco e outras cousas, os estudantes da ESO tiveron moita diversión e tamén aprenderon.

Entre outras aprendimos como os grandes cociñeiros preparan os seus deliciosos pratos con nitróxeno líquido, as propiedades dos clips deformables que volven á súa forma orixinal ao quentarse e ensináronnos como as grandes fábricas de patacas enchen as bolsas de helio ou argón porque estes eliminan o osíxeno da bolsa e as patacas non se oxidan tan rápido. Máis tarde, e para concluír, fomos ver a xigantesca táboa periódica que se atopa no primeiro andar do edificio e que contén en cada elemento un uso coñecido pola xente, esta é moi entretida e representativa xa que é mais fácil aprender os elementos da táboa periódica con exemplos da vida cotiá que só véndoa nun papel.

O pase de diapositivas require JavaScript.

 

Acudimos á Festiciencia de Ponteceso

O pasado  mércores 15 de maio celebramos en Ponteceso á Festiciencia, organizada tamén polo concello de Ponteceso.

Acudimos ao ensaio do MARUMASAT IV

O pasado xoves 2 de maio fomos de visita ao IES Maruxa Maio de Ordes para presenciar o ensaio no que se calculou a cantidade de helio necesario para elevar o globo que levará a cuarta cápsula deste proxecto.

Pancake Day

O día 28 de febreiro celébrase en Reino Unido Pancake Day, o día da tortita. Así que en colaboración co departamento de inglés do centro preparamos pancakes co alumnado de 1º, 3º e 4º ESO na semana do 27  ao 31 de marzo tratando de sumar un punto de vista científico no marco do proxecto “Ciencia na Crucecociña”.

Analizamos a reacción de Maillard que explica a cor marrón e o cheiro que se desprende cando se cociñan as tortitas (ou outros alimentos en tixola) e fixemos algúns experimentos físicos cos ingredientes. Separamos a xema da clara do ovo cunha botella por diferencia de presións e fixemos un fluído non Newtoniano (con viscosidade variable) con auga e fariña.

O pase de diapositivas require JavaScript.

Celebramos o 11F no III Congreso NOSA

O luns 11 de febreiro celebrouse en Oleiros o III Congreso NOSA, organizado polo IES Miraflores e coa participación dos outros cinco centros educativos que tamén integran a Axencia Espacial Escolar Galega: IES Maruxa Mallo, IES Marco do Camballón, IES Arcebispo Xelmírez II, IES Ferrol Vello e CPI O Cruce.

No congreso o alumnado presentou os resultados das investigacións realizadas despois do lanzamento da MarumaSat III, cos datos recollidos e presentáronse tamén os obxectivos para o lanzamento da MarumaSat IV, así como a nova web da axencia nosa.gal e as actas de congresos anteriores.

Recibimos a visita de Manuel F. Herrador da ETSE de camiños, canles e portos

O mércores 6 de febreiro tivemos pola tarde unha sesión do Club de Ciencia singular. Recibimos ao profesor da Escola Técnica Superior de Enxeñeiros de camiños, canles e portos da Universidade da Coruña, Manuel F. Herrador Barrios, que nos falou da física no cine de catástrofes.

Celebramos La Chandeleur no marco do proxecto “Ciencia na CruceCociña”

O día 2 de febreiro celébrase en Francia La Chandeleur, o día do crêpe. Así que en colaboración co departamento de francés do centro preparamos crêpes co alumnado de 2º, 3º e 4º ESO na semana do 4 ao 8 de febreiro tratando de sumar un punto de vista científico no marco do proxecto “Ciencia na Crucecociña”.